5 نقاط لكي لا يظهر موقعك في محركات البحث
حلم كل مدير او صاحب موقع التصدر في محركات البحث عندما يبحث المستخدم بالكلمات المستهدفة النهاردة هشرح لكم 5 نقاط لو طبقتهم في موقعك مش هتتصدر ابدا في محركات البحث وممكن متظهرش خالص فيها
5 نقاط طبقهم وموقعك مش هيظهر في محركات البحث
1- خصائص المحتوى content
منسوخ او منقول
ضعيف (زي إلحق فستان هيفاء وهبي قبل ما يوقع) او محتوى غير قيم
قليل (صورة فقط)
عنوان غير مطابق للمحتوى (برنامج انتي فيرس ويلاقي المحتوى بيتكلم عن كيفية تحضير الدجاج)
ومتنساش تستخدم حشو كلمات Keyword Stuffing
2- خصائص الكلمة الرئيسية Keyword
صعبة المنافسة
عامة من مقطع واحد زي عقارات
3- خصائص التصميم design
فلاشي
تقيل
غير متوافق مع الموبيلات والتاب والاجهزة المختلفة
4- خصائص الباك لينك Backlink
اشتري من خمسات 100 الف باك لينك بـ 5$ (مش اساءه لموقع خمسات ولكن فيه خدمات سيو كتير جدا بالطريقة دي وناس كتير جدا بيشتروها)
استخدم سبام (نشر روابط في مدونات اجنبية بكثافة وانشر الالف الروابط كل يوم)
اختار مواقع الـ سبام سكور ( تقدر تعرفه من تولبار موز) بتاعها عالي عشان تقوم بعملية بناء الباك لينك
مستخدمش internal backlink ابدا (الربط الداخلي بين المواضيع)
5-خصائص الإستضافة host
مجانية او رخيصة (مقصدش بلوجر طبعا لانها مميزة)
بتوقف كتير
وياسلام لو بطيئة
