استفسار هل يوجد مدرسة اهلية للبنين في حي الروضة او حي القدس

السلام عليكم ورحمة الله وبركاته

استفسار هل يوجد مدرسة اهلية للبنين في حي الروضة او حي القدس

ابغاها تكون ثانوية عامة

وياليت الوصف وان امكن رقم المدرسة

وشكرا

تراك ماحددت المدينه للمعلوميه :D
لكن شكلك تقصد الرياض وانا للاسف مب من سكان الرياض ولا كان ساعدتك..

هلا اخوي
في اكثر من مدرسة أهلية بحي الروضة
كلها مستواها متدني
بس افضلهم هي مدارس الشمس الاهلية
انا شخصيا درست فيها وكان المبنى مستئجر
الحين صار عندهم مبنى خاص فيهم
موقعهم بشارع حفصة بنت عمر
وانت جاي مع أنكاس تقاطع حفصة بنت عمر (عند الرياض مول) تاخذ يسارك
تمشي حوالي 400 متر
بتجيك المدرسة علي يدك اليمين قبل اول اشارة

نصيحتي اخوي اذا تبي تسفيد تسجل بمدرسة التربية النموذجية بحي الريان
افضل بكثير من المدارس الي عندنا بالروضة

tk4a.net

كيف مستواهم متدني يعني في تدرس مايعطو درجات

ولا علشان المبني

انا ابغي مدرسة تعطي درجات بالهبل

او تساعد الطالب باعطاءه اسئلة اختبارات يذاكرها

ويجي يحل

عندك الابتكارية بالروضة

بعد آخر فرصة اللي على خريص تدخل يمين وتلقاها عاليسار بعد كم متر

وآآآجد يمدحونها من نآحية الدف وكذا


بالتوفيق

عندك الامجاد مبناهم كبير وطلابهم كثير

على طريق الملك عبدالله

وانت جاي من طريق انكاس تروح يمين كنك رايح لمطعم ماما نوره طوووووووول الى الاشاره وتلقى المدرسه على يسارك

أنا تخرجت منها قبل 3 سنوات قبل لا يفتتحون مبناهم الجديد بـ 96%

المشكلة عندهم بالتدريس

لو تبي دف ودرجات ادخلها

ومادام النظام تغير و الاختبارات صارت من نفس المدرسة

لو تشد حيلك شوي يعطونك 100%

بالنسبة للابتكارية الشمس افضل منها

والامجاد تقريبا نفس مستواها

واذا تبي تستفيد علميا انصحك تشوف مدارس غير الي موجودة في الروضة

المدارس الأهلية بالروضة أكثر من السكان

عندك مدارس جرير, اذا دخلت على شارع الأمير بندر من انكاس اول اشارة يمين, تلقاها منزوية على اليمين.
مدارس جرير فاشلة من جميع النواحي, اللهم مساعدة الطلاب الدرجات.

اذا تخصصك علمي انصحك تبحث عن مدرسة مستواها جيد, لان وراك اختبار القياس والاختبار التحصيلي, بتدج بالتحصيلي لو اعتمدت على مساعدتهم.


اللي اعرفه ان الإبتكارية وجرير يدفون بقوووة.

والله يوفقك

اخوي tk4a.net قررت ادرس اخويا في مدرسة الشمس الاهلية

وماشاء الله نسبتك حلووووووووة

كيف جبتها هل المدرسين يعطو الاسئلة

ام انهم هما لوحدهم يدفو بالدرجات

ام ان المدرسين شدديدين وابغاله جهد كبير

اليوم رحتها وشفت مبناها ماشاء الله مرة ممتاز

بس غالية الترم بـ 6000 الف ريال

والسنة 12 الف

ابغي اعرف كيف يساعدو الطلاب

up

اخوي انا اختبرت من الوزارة على النظام القديم
راح اكون واضح معك
الفصل الاول عطونا 100%
لكن بعد ما شاركنا في الانشطة (لوح - القاء - اذاعة .....)
الفصل الثاني في الإختبار يدخلون عليك المدرسين ويساعدونك
بس الحين النظام تغير والاسئلة صارت من المدرسة
على العموم هم يعتمدون على النشاطات
يعني اخوك لو يزين انشطة للمدرسة يدفونه ان شاء الله
وبالنسبة للرسوم اول ماسجلت فيها كانت 8 ورفعوها في ثالث ثانوي الى 9