شو الي صار في سوالف

[عيون المها]

الواحد يوم يحب وحدة و يتعلق فيها لازم يتأكد قبل ما هو يحبها ان هي بعد تحبة لأن احتمال هي تحب واحد ثاني... صح ولا لا.....

[قوس الحب]

عجل انا اشوف مشاعري مثل مشاعر البنات
بس شو اسوي مو بيدي ، حاولت اتغير ، وانا خايف اوصل يوم لقصه
تسوي فيني مثل رفيجي

[ظبياني]

كلامج صح ، بس شو رايج في وحده لما قالها انه بيتقدم لها قطعة العلاقه مهاه معنه في البدايه كانت البنت ميته فيه وهوه مافيه عيوب ولين الاحين يحترق في داخله ومحد يدري فيه ولاهيه حاسه فيه على كثر الاتصالات الي يقوم فيها ،والعلاقه شهور مش أيام ولين الحين هوه مايعرف ليش تقيرت عليه ويتمنى انه ماقالها انه يريد يتزوجها مسكين حاله مايقدر على فراقها .

[قوس الحب]

ما اقول الا الله يعينه
الداء اللي علاجه دائه هو الحب
يعني مرضك بسبب شخص ونفس الشخص هو علاجك

[عيون المها]

أنصح ربيعك ان يودرها لأن لو صدق تحبة ما جان هدتة بهاي السهولة...ما علية...بيحصل حب حقيقي في مكان ثاني...

[قوس الحب]

صج الحب مرض وعلاجه عند الحبيب
بس في حالة انه يكون يحبك
بس اذا كان يكرهك
فيا ويلك
والحب من طرف واحد نار ، تطفيها قوة الاراده

[عيون المها]

أنا بس أعرف شي واحد....كيف الواحد يقول للوحدة ان يحبها من دون ما يشوفها....؟؟؟؟!!

[ظبياني]

تدرين الي يحب ويحب بصدق مايقدر ينسى الي حبها قلبه وخاصه اذا كان اول حب ، انا احس فيه لاني قريب منه تصدقين ان وزنه نزل وحتى النوم ماينام واحس انه يموت بس ببط احس اني اريد أبكي على الوضع الي هوه فيه ـــــــ أدعوله بأن الله يرحمه ويفكه من العذاب الي هوه فيه وانا ماأدري شو اسوي تدرون يمكن في هذا الزمن نادر ماالانسان يحب بصدق واذا حب أكيد بيجني على نفسه خبروني اذا عندكم حل

[قوس الحب]

اجاوبك ، كلمة الحب صارت رخيصه

[قوس الحب]

اليك :
والله اذا كانت كلمة الحب بمعناها الصحيح ،
مو يحب وحده من كلام كتبته ، او مجامله ،
لازم يكون نابع من قلب واقتماع واحساس بكل المشاعر ، واهما النظر
لان الشباب عندنا الجمال يعطونه نسبه كبيره
وصديقك هذا الله يهديه ، ويكفينا الشر انشالله
وحبنا يجيب لنا الخير والصلاح مو المرض والضعف باذن واحد احد

[ظبياني]

لا هوه شافها ولهذا السبب هوه حب كل شي فيها وهيه كانت تبادله نفس المشاعر سبحان مغير الاحوال

[عيون المها]

لا يا قوس الحب مو رخيصة عند كل الناس...
انا أعرف شخصين يحبون بعض من خمس سنوات و جريب ان شالله بيتزوجون....

[عيون المها]

انا ما قصدت ربيعك أقصد بعض الناس الي يحبون من دون ما يشوفون.....

[ظبياني]

عموماً لاتنسون تدعواً له بإن الله يشافيه من هذا المرض وانا انشاء الله برجع لكم كل فترة ــــــــــــــــــــ لاتنسونـــــــــــــــــــــــــــــــــــــــــــ ــــــــــــي أخـوكـــم ظــبيـــــــــــــانــــــــــي .

[قوس الحب]

ما قصدت كل الناس
وانا اقول عن نفسي
لما احب راح احب بشرف وبشروط
ما ابي وحده اقول لها القمر الليله حلو تقول لي مع ويهك انت معاه
لو اقول لها خلينا نسمع موسيقى كلاسيك تقول موال قديم وش تفيدنا
اقول لها احبك ، تقول لي لا والله لا تقول صحيح
مو لازم تكون جميله
مو لازم تكون غنيه
المهم تفهمني بمعنى الكلمة ، تستشف الكلمة من عيني قب ما اقولها
وتعرف كيف تكبر فيني حبي لها
-
وغيرها وغيره من الشروط،
اظن ان حبي راح يكون من النوع الصعب اذا ما كان مستحيل
لان الشروط هذي كلها خيال ولا توجد في الحقيقه